Kampionatit Botëror i ka ardhur fundi, teksa tifozët presin me emocion finalen e madhe, ku Krocia dhe Franca do të përballen për trofeun.
Me emocion, finalen po e pret edhe këngëtarja Era Istrefi, e cila do të interpretojë “live” këngën zyrtare së bashku me Will Smith dhe Nicky Jam.
Ditën e sotme, FIFA organizoi një konferencë me 3 këngëtarët.
E pyetur se cili është për të futbollisti më i mirë, Era ngurroi në zgjedhjen e saj: “Ai është Cristiano Ronaldo”.
Gjithashtu, këngëtarja u pyet edhe për momentin më të bukur të këtij botërori për të. Padyshim, Era zgjodhi momentin më emocionues për gjithë shqiptarët.
“Ishte ndeshja mes Zvicrës dhe Serbisë, kur dy lojtarë me origjinë shqiptare shënuan”, tha Era.
Pas interpretimit “live” të këngës, në fushën e lojës ditën e diel do të hyjë edhe Trofeu i Botërorit, të cilin do ta sjellë ish kapiteni i Gjermanisë Philip Lahm, shoqëruar nga modelja ruse, Natali Vodionova.
Finalja e madhe do të luhet ditën e diel në “Luzhniki Stadium” të Moskës, në orën 17:00.